Директор

Директорката  на ООУ „Маршал Тито“ – Струмица e истакнат просветен работник со долгогодишно искуство во образованието. Со повеќе од 30 години работа како наставник, педагог и одделенски раководител, таа е посветена на унапредување на квалитетот на наставата, нејзина модернизација и создавање поттикнувачка средина за учениците.

Ленче Чиркова е родена во 1965 година. Основното образование го започнува и го завршува токму во ООУ „Маршал Тито“ – Струмица во 1980 година, а средното образование го продолжува во СОУ „Гоце Делчев“ – Валандово, кое го завршува во 1984 година. Високото образование го завршува на Филозофскиот факултет – Институт по историја, во 1989 година.

Во текот на својата професионална кариера работела во повеќе училишта, а од 2000 година е во постојан работен однос како наставник по историја во ООУ „Маршал Тито“ – Струмица. Активно учествува на конференции, семинари и обуки поврзани со образованието, со цел континуиран професионален развој.

Со визија, професионалност и посветеност, таа продолжува успешно да го води ООУ „Маршал Тито“ – Струмица кон нови успеси и подобра иднина за секој ученик.