По повод Месецот на книгата, учителката Елена Милкова и професорката по македонски јазик Ѓургица Костадиновска од ООУ „Маршал Тито“ Струмица, одржаа заеднички час во второ одделение на тема: „Зоки Поки“ од Оливера Николова.
По тој повод професорката на најмалите им раскажуваше анегдоти за Зоки Поки, им пушти делови од серијата за визуелно да им ја доближи омилената лектира.
Учителката им зборуваше на учениците за ликот на Зоки, неговото семејство и Лидија, а потоа им подели наставни ливчиња со кои учениците раскажуваа делови од расказите и ги цртаа ликовите на Зоки и Лидија.
Час исполнет со насмевки, креативност и љубов кон читањето!
