По повод 16 октомври, Светскиот ден на храната во нашето училиште се одржа интерактивна работилница со учениците од VIII и IX одделение под менторство на наставниците по биологија и физика Анета Крстова и Никола Ристов во присуство на стручната служба.
Главната цел на работилницата беше да се доближи до учениците важноста на храната, што содржи таа и како правилно да се храниме. Преку пирамидата за исхрана, учениците научија за важноста таа да биде разновидна и потребата од нутриентите кои ги содржи истата. Учениците имаа активна дебата преку примери за (не)здрава храна и самите изработија своја пирамида со продукти од секојдневната исхрана.
Преку оваа активност учениците ја разбудија свесноста за важноста на храната и правото за поздрав и поквалитетен живот со мотото „Никој да не биде изоставен и гладен“.
