Поинаков експеримент на часот по биологија, учениците преку активно вклучување во наставата го водеа часот во улога на наставници, а во училишните клупи во улога на ученици беа дел од наставниците, стручната служба и директорката Ленче Чиркова.
„Наставничките“ зборуваа за негативните ефекти од пушењето цигари и болестите коишто може да се појават како резултат од таа зависност. Часот беше исполнет со меѓусебна дискусија од која беа разменети различни ставови и примери од секојдневието, исто така на крај беа извлечени позитивни пораки и поуки.
Преку овој наставен метод учениците имаа можност да се видат себеси како наставници и да размислуваат за оваа професија во иднина.
Ученичките успешно се справија со задачата и беа пофалени од присутните.
