Во силна конкуренција, нашата маска „Струмички тотеми“ освои вкупно 462 поени, со што го подели првото место со маската „Чувари на мудроста“ од ООУ „Никола Вапцаров“ – Струмица, која исто така освои 462 поени.
Овој успех е резултат на креативноста, посветеноста и тимската работа на нашите ученици и наставници, кои вложија огромен труд во изработката и презентацијата на маската. „Струмички тотеми“ не беа само костими – тие беа приказна, симболика и уметнички израз што ја воодушеви публиката и жирито.
Резултати во категоријата:
I место (462 поени):
– „Струмички тотеми“ – ООУ „Маршал Тито“ Струмица
– „Чувари на мудроста“ – ООУ „Никола Вапцаров“ Струмица
II место (443 поени):
– „Варварска хорда“ – Багашовски
III место (393 поени):
– „Магелан под Царевите Кули“ – група „Мерит“
Ова признание претставува потврда за талентот и креативниот дух што се негува во нашето училиште. Посебна благодарност до сите ученици кои учествуваа, до наставниците-ментори.
Продолжуваме со истата енергија, инспирација и љубов кон уметноста и традицијата!
Честитки до сите учесници!
