Ученикот Џемил Омеров од VII-1 одделение освои трето место и бронзен медал на традиционалните 47. Ноќни крос трки во Струмица, остварувајќи значаен спортски успех и достојно претставувајќи го нашето училиште.
Под менторство на професорот по физичко и здравствено образование, Миле Трендафилов, Џемил покажа дека со посветеност, труд и спортски дух се постигнуваат значајни резултати.
Ноќните крос трки се традиционален спортски настан кој обединува стотици ученици од основните и средните училишта во Струмичкиот регион, промовирајќи ги спортот, здравите навики и натпреварувачкиот дух кај младите.
Му честитаме на Џемил за постигнатиот успех, а на професорот Миле Трендафилов му упатуваме благодарност за менторството и поддршката! Му посакуваме уште многу спортски успеси и освоени медали во иднина.
