Денес реализиравме интерактивна работилница со учениците од 9 одделение по повод Brain Awareness Week – недела на свесноста за мозокот организирана од Dana Foundation која годинава се одржува од 16 до 22 март.
Оваа недела на глобално ниво се одржуваат предавања и работилници со цел подигање на свеста за неврниот систем, неговата функција и значење за организмот, менталното здравје како и заболувањата на мозокот. Преку повеќе вежби, активности и дискусии, учениците имаа можност да го истражуваат функционирањето на мозокот, краткотрајното паметење и важноста на грижата за менталното здравје. Учениците активно учествуваа, поставуваа прашања и споделуваа свои размислувања.
Оваа работилница беше одлична можност за поттикнување на љубопитноста и свесноста за значењето на мозокот како најважен орган во телото.
