По повод 21 Март – Светски ден на лицата со Даунов синдром нашето училиште реализира две активности исполнети со љубов, насмевки и другарство.
Учениците од V-1 одд. реализираа работилница со наслов ,,Небо на прифаќање”, а пак учениците од IV-1 одд. реализираа заедничка активност преку ,,Клуб деца на сонцето”, заедно со учениците од СОУ,,Јане Сандански”. Тие засадија цвеќиња и испратија пораки и преку нив покажаа дека различностата е богатство, а пријателството најубавиот цвет што може да расте меѓу нас.
На работилница од V-1 одд, шарените пеперутки ги раширија своите крилја како симбол на различноста, шарените чорапи не потсетија дека убавината е во тоа да бидеме уникатни, а балоните ја понесоа пораката за прифаќање високо кон небото.
Заедно учиме дека различноста не не’ разделува – таа не’ прави посебни и посилни. Да шириме љубов, почит и поддршка за лицата со Даунов синдром, секој ден.
Денес создадовме свет исполнет со бои, насмевки и љубов.
Со овие активности испративме силна порака за прифаќање, почит, еднаквост и поддршка.
Нека секој ден биде ден на љубов, разбирање и вклученост за сите. Секој заслужува да биде прифатен токму таков каков што е.
